Heimasíða > Sýningar > Bæjamyndir Matthíasar Sigfússonar Vorsýning 1999: Bæjamyndir Matthíasar Sigfússonar Sýning á sama sjónarhorninu í fortíð og nútíð Smelltu til að stækka Á skírdag 1999 var Byggðasafn Árnesinga, Húsinu á Eyrarbakka, opnað aftur eftir hefðbundna vetrarlokun. Í borðstofu Hússins var opnuð sýning á málverkum eftir Matthías Sigfússon listmálara. Sýningunni lauk þann 16. maí. Á sýningunni voru kynnt málverk Matthíasar Sigfússonar sem sýna sveitabæi á fyrri hluta þessarar aldar. Á sýningunni voru til samanburðar ljósmyndir teknar í dag frá nánast sama sjónarhorni. Á þennan hátt miðlaði sýningin ekki einungis fortíðinni í verkum Matthíasar heldur líka veruleikanum eins og hann er núna. Matthías Sigfússon fæddist árið 1904 að bænum Egilsstaðakoti í Villingaholtshreppi, næstelstur 11 systkina. Hann fór snemma að heiman og vann fyrir sér bæði til sjós og lands og í listum var hann sjálfmenntaður að mestu fyrir utan veturna 1934 til 1936 þegar hann sat á námskeiðum hjá Jóhanni Briem og Tryggva Magnússyni. Var hann listmálari að aðalstarfi frá 1942 og tók þátt í mörgum samsýningum bæði hér heima og erlendis. Matthías lést árið 1984.
		Höfundarréttur © Byggðasafn Árnesinga · Hönnun: Vefur.is